Күрше төбәктә бер ир-ат хатынының сөяркәсен өч көн буе подвалда чылбырда тоткан
Самара өлкәсенең Тольятти шәһәрендә бер ир-ат хатынының сөяркәсен подвалда чылбырда өч көн тоткан. Бу турыда «Комсомольская правда» хәбәр итте.
Көнче ир иптәше белән бергә көндәшен урлап алып китә һәм подвалга бикләп куя. Алар сөяркәне чылбырга куя, кыйныйлар, акча таләп итәләр. Бәхеткә, тоткын ир-ат ычкыну җаена таба, аннары полициягә мөрәҗәгать итә. Хокук саклаучылар җинаятьчеләрне тоткарлый һәм җинаять эше ача.
Быел язын 39 яшьлек З. Санкт-Петербург оешмасында прораб булып эшли, ул Үзбәкстан гражданины була. Петербургта З. 41 яшьлек кияүдәге хатын белән таныша. Алар арасында мәхәббәт романы була, шуннан соң гашыйклар качып китәргә карар кыла. Алар Тольяттида яшәргә җыена.
З. һәм аның сөяркәсе Тольяттига барып җитә, ләкин хатынның 52 яшьлек ире аларны эзләп таба. З. ны очрашуга чакыралар һәм ул бара. 28 май кичендә З.ны сөяркәсенең ире һәм аның иптәше урлап алып китә.
З.ны шәхси йортка алып баралар һәм өч көн кыйнап, мыскыл итеп торалар. Хәзер тикшерү эшләре бара, диелә хәбәрдә.