Мордовиясо топавтови “Изнямонь кить” весе Россиянь военно-патриотической программась (эрзя)
Изнямонь Чиденть икеле «Изнямонь кить» весе Россиянь военно-патриотической программанть лувсо региононь прявтошсо ютавтовсь питневтеме васенце экскурсия, конасонть ульнесть Саранск ошонь 37-це школань тонавтницятне. Программась аравтозь од ломантнень патриотизмань лувсо кастомантень ды лезды виевгавтомс региононь туризманть. Республикасонть программась топавтови «Две ветки одного дерева» маршрутонть коряс. Проектэнтень совавтозь Саранск ошка ды И.Д. Воронинэнь лемсэ краеведениянь музеень этнографиянь залов экскурсиятне. Участникекс кармить 1140 ломанть – школасо тонавтницят ды студентт. Эйкакштнень ды од ломантнень туртов патриотической ёнксонь «Изнямонь кить» культурань-содавтомань программатне топавтовить «Агентство развития внутреннего туризма» весе Россиянь военно-патриотической программанть лувсо «Ветер странствий» студиянть марто Россиянь Федерациянь просвещениянь министерстванть лезксэнзэ вельде «Мы вместе» раськень теварсевксэнь «Молодежь и дети» федеральной проектэнть лувсо.