Мордовиянь региононь командась ушодсь тонавтомо туризманть туртов кадратнень виевгавтомань федеральной программанть коряс (эрзя)

Мордовия Республикань экономикань, микшнемань ды предпринимательствань министерствась «Туризм и гостеприимство» раськень теварсевксэнь «Кадры для туризма» федеральной проектэнть топавтоманзо лувсо пачти «Формирование взаимосвязанных региональных туристских продуктов» поладомань профессиональной образованиянь программанть коряс региононь командантень тонавтоманть ушодомадонзо. Тонавтнемась юты Казаньсэ «Поволжский государственный университет физической культуры, спорта и туризма» ФГБОУ ВО-нь «Туристэнь отраслянь кадрань потенциалонь кастомань куншкакуронть» юрсо. Мордовия республиканть невтить туризмань коряс региононь ды муниципальной властень органтнэнь специалисттнэ, истя жо бизнес-сообществань представительтне, конат явить мель регионсонть туристэнь проекттнэнь виевгавтомантень. Тонавтомань программась арсезь 2026-це иень чадыковсто саезь сундерьковс ды ашти цифровой технологиятнень тевс нолдазь вете модульстэ. Программань смустесь – анокстамс од теварсевкст, конат аравтозь региононь туристэнь таркатнень виевгавтомантень. Участниктне ванносызь регионъютконь маршруттнэнь теемантень неень шкань ёнкстнэнь, туристэнь проекттнэнь лезэвчинтень кастомань ды питнень максомань китнень-янтнэнь, истя жо кирдивийтнень ды бизнесэнь вейсэнь важодемань ёнкстнэнь