Степан Эрьзянь скульптуратне невтевить Санкт-Петербургсо ды Московсо (эрзя)
Минек ёнкссо чачозенть, эрзянь ине скульпторонть Степан Эрьзянь чачома чистэнзэ 150 иетнень тешкстамонть лувсо арсеви ютавтомс ламо невтемат, конференцият, семинарт. Санкт-Петербургонь ды Московонь ламот эрицятне васенцеде панжсызь эсест туртов минек содавикс скульпторонть важодевксэнзэ. Саранск ошонь ды Мордовиянь эрицятне несызь Эрьзянь произведениянзо, конат ульнесть запасниксэ. Эйзюрковонь 31 – це чистэ саезь аштемковонь 7-це чис Петербургсо (Михайловской содавикс замоксо – Рузонь музеень филиалсо) карми ютамо Эрьзянь юбилеензэ тешкстамга прявт выставкатнестэ вейкесь. Эрьзянь музеень свалшкань экспозициясонть – Степан Дмитриевичень 100 ламо произведениянзо. 50 важодевксэнзэ (сынст ютксо 5 скульптурат таштавкссто) туить пелевеёнксонь прявт ошов.
Ней Эрьзянь теевкстнэнь анокстыть кинтень. Транспортонь шкантень сынст ванстомга весе скульптуратне улить тапарязь пек кеме конструкциянь паргос, климатонь-контролень марто, конатнесэ кирдеви свалшкань температура. Усксемась карми ютавтовомо эрявикс вешематнень коряс, специализированной транспортсо.