Мордовиянь лейтнесэ ведесь пек кепететсь (эрзя)

Кассь Саранскоень Эко-парксо Инсар лееськак. Сень лангс апак вано: ведень кепетемань сех покш невтевксэнтень зярс ули тарка, Россиянь МЧС-нь Мордовия Республикава Прявт управлениянь сотрудниктне важодить анокчинь лувсо, мекс покш ведесь сы куш кодамо шкасо!
Эрямо таркатнесэ, конат кандовить чадыведьс понговиця таркатнес, ютавтневи спецтехникань вельде усксема. Толонь мадстемань ардомапельтне, конатнесэ улить гайтень виевгавтомань системат, ардтнить куротнева эрицятненень пачтямга. Специалисттнэ свалшкань лувсо ванныть ведень кепетеманть мельга, профилактикань лувсо ютакшновить кудотне.